AUGURI DI BUON ANNO
a cura di Floriano Govoni

"Bóni fèst", as sént in gîr "Tanti auguri", at vin da dîr; "Bòn Nadêl" con tót al côr, "Bòn Câp d'ân", l'è quèl c'ag vôl: che la véta la sî bèla, brisa soul in zirudèla! E che al mònd al sia bòn brisa sèmper in sgiangòn. Bòn Câp d'ân al nòster Cmón a chi cmànda, chi sièn bón ad risolver senza téma ogni sorta di problema; che al prumès ch'i han fât in gîr in n'armagn' in dal pinsîr per al bèn di zitadén: pochi tâs e tant quatrén! Bòn Câp d'ân a Cisanóva a la zènt che dentr'as tróva: ai budghêr, agl'esercént agl'artigiàn e ai brazént se quec d'ón a gh'è armês... Bòn Câp d'ân e bona pês ai cuntadén, ai cucumbrêr e a tót quî ch'is dàn da fêr per al bèn dla Castèla d'ogni tèra la pió bèla! Bòn Câp d'ân ai volontari che purtroppo sono rari, ai putén e agl'ambrûs ai fiacón e a chi prodûs; agl'anziàn ch'é bistratê e a tót quî ch'é rispetê.

Bòn Câp d'ân al mond intîr che ogni guera ava finîr che la fâm sia debelèda e furmê na gran tavlèda con tót quant al râz dal mònd con so' in vèta, senza fònd rôl d'lasàgn e bón turtlén ogni sórta ad tîp ad vén di capón ruspànt, parnîs sópa inglèisa, tourta ad rîs e po' doppo par finîr un grapén e... digerîr. Bòn Câp d'ân a la rivésta Marefosca semp'in lésta e a chi la lêz... e ai dezimén un abbraccio sènza fén. Che al duméla e sêt al sî pén svalzènt ad fantasî senza incióna custriziòn: bòn Câp d'ân còl côr, dabòn!